غاغ غوغ _ نصر الفراعنة

ما كتبت الشعر يا نور عيني من فراغ"
فيك واللي فيك يحتاج له وقت وفروغ

الشعر في غيركم سامجٍ مايستساغ"
"وفيك ما لا يستسغ من ورا خشمه يسوغ

احسن الابيات في بوتقة قلبي تداغّ"
"بسّ من هيبتك لا جيت ابكتبها دغوغ

اتعب المرسم يدي واتعب الفكر الدماغ"
"لين شفت لنجمة الشيب في راسي بزوغ

من عذر قلبي نهار ابرز البيضا وزاغ"
"هوّ به من شاف ما شفت قلبه ما يزوغ؟

في حياتي ما ذكرت انّي طشّيت الشماغ"
"لين شفته وانزلغ دمعي الاحمر زلوغ

طفل توّه في حشا امّه يغاغي (غاغ غاغ)"
"يتلعثم وان حكى افصح كلامه (غوغ غوغ)

ما يعرف من الهوى كود لعبه بالصباغ"
"ابيض ابيض ما يعرف الصدوغ من الرسوغ

في عيونه صاغ الآله شيٍّ مايصاغ"
"فصّ ساحر صاغ فيه آية الفرقان صوغ

وفي الهدب هيبة (نَبِيْ) ما عليه الاالبلاغ"
"وفي النهد طفلٍ بلغ من قبل سنّ البلوغ

وفي خدوده راغ بارق سحاب الشرق راغ"
"بسّ انا من خوف يعمي عيوني وين اروغ؟

يا جماعة وان غدا القلب من جوفي وباغ"
"من يدوّر لي معه قلب آخر ما يبوغ؟

الشعر في غيركم سامجٍ مايستساغ"
"وفيك ما لا يستسغ من ورا خشمه يسوغ
ماشاء الله عليك يالفراعنه شاعر متمكن
الله يعطيك العافيه يالولهان والى الامام